ჯანდაცვის მინისტრის მოადგილე თამარ გაბუნია ამბობს, რომ დღეს, 18 მარტს, 19:00 საათზე გაიმართება შეხვედრა, სადაც ქვეყანაში ვაქცინაციის პროცესის გაგრძელებაზე იმსჯელებენ.
“დღეს სამინიტროში იმუნიზაციის ექსპერთა ჯგუფი შეიკრიბება, ასევე გვერდითი მოვლენების მართვის კომიტეტი, რომელიც მიიღებს გადაწყვეტილებას, ვაქცინაციის პროცესის შემდგომი გაგრძელების და ფორმატის თაობაზე, თუ როგორ მოხდება ამ მოვლენის შემდეგ ვაქცინაციის პროცესის განვითარება ჩვენს ქვეყანაში. ასტრაზენეკაზე მაქვს საუბარი”.- ამბობს გაბუნია.
მისივე თქმით, ახალციხეში მომხდარ შემთხვევასთან დაკავშირებით გამოძიება დაუყოვნებლივ დაიწყო, სადაც ვაქცინაციის შემდეგ სამედიცინო პერსონალის მდგომარეობა დამძიმდა.
“რეგულირების სააგენტომ დაიწყო შესწავლა იმისთვის, რომ დადგინდეს მიზეზ-შედეგობრივი კავშირი დამდგარ მდგომარეობასა და ვაქცინას შორის”.- ამბობს გაბუნია და აღნიშნავს, რომ სამედიცინო პერსონალს მკურნალობა თბილისში ჩაუტარდება.