„გაბედე დაეხმარო’’ ნათელი მომავლისთვის

 ალბათ, ყველამ ვიცით ის მწარე ტკივილი, რომელსაც სიღარიბე და უსახლკარობა ჰქვია. შეიძლება ის რომელიმე თქვენგანს არ განუცდია, მაგრამ შეხედვაც კი კმარა იმ ტკივილის გასაგებად, რომელსაც უსახლკარო და გაჭირვებული ადამიანი განიცდის. XXI საუკუნეშიც კი გვიწევს იმ მწარე რეალობის თვალებში ჩახედვა, რომელსაც შიმშილისაგან გამოწვეული ბავშვის სიკვდილი ჰქვია.  

იცით რა შეგრძნებაა, როდესაც ვინმეს ეხმარები, ან დახმარების ხელს უწოდებ? თქვენი არ ვიცი, მაგრამ ეს შეგრძნება ,,გაბედე დაეხმაროს“  გუნდმა და მასში გაწერვიანებულმა ბავშვებმა ნამდვილად იციან.

გაბედე დაეხმარო არის ორგანიზაცია, რომელიც ემსახურება საზოგადოების მენტალური თუ სოცილური მოცემულობის საგანმანათებლო, საქველმოქმედო პროექტებით გაუმჯობესებას. მისი ხელმძღვანელი და დამფუძნებელი გახლავთ ნუკრი ხეთერელი და ბუკა თავართქილაძე. ისინი ამბობენ:

,,მაშინ,როდესაც გადავწყვიტეთ “გაბედე დაეხმარო”-ს შექმნა ძალიან დიდი მიზნები გვქონდა. პირველი წლის გეგმები, თამამად შეიძლება ითქვას რომ შევასრულეთ. ხაზგასასმელია წინაღობა, რომელმაც თავდაპირველად იჩინა თავი, გამომდინარე სოციუმის სკეპტიკური თუ კრიტიკული დამოკიდებულებისა სიახლესთან მიმართებაში.  “გაბედე დაეხმარო” / Dare To help, შეიქმნა 2021 წლის 20 აპრილს. 1 წლის მანძილზე ჩავატარეთ 20-ზე მეტი საქველმოქმედო და საგანამანთლებლო პროექტი, როგორც თბილისში, ასევე თბილისს გარეთ, რეგიონალურ წერტილებში, საქმის პროფესიონალ, წარმატებულ და საინტერესო ადამიანებთან ერთად. ასევე ღრმად დარწმუნებულები ვართ ორგანიზაციის მზარდ მომავალსა და ინტენსიური განვითარების შესაძლებლობაში, გამომდინარე ჩვენი აქტიური მუშაობისა ამ საკითხზე.’’ 

,,გაბედე დაეხმაროს’’ ჰყავს, როგორც ზემოთ ახსენეს საქართველოს მაშტაბით რამდენიმე გუნდი, ერთ-ერთი მათგანი ოზურგეთშია, ამით კი ოზურგეთელი ბავშვები, როგორც თვითონ ამბობენ ბედნიერები არიან. აქვთ შესაძლებლობა გააბედნიერონ თანამოქალაქეები და, როგორც ნოდარ დუმბაძე იტყოდა, – „სიცოცხლის სამოსახლოა ჩემი პატარა გურია’’, უფრო მეტი ხალისი და სიფერადე შემატონ მათ პატარა, მაგრამ უმშვენიერეს კუთხეს. 

ყველა დაინტერესებულ და მსურველ პირს შეუძლია გაწერვიანდეს ამ ორგანიზაციაში და მათთან ერთად გააბედნიეროს, დაეხმაროს გაჭირვებულ, უსახლკარო თანამოქალაქეებს და  იბრძოლოს ნათელი მომავლისთვის!

ფოტოგრაფი ლალი ცეცხლაძე.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა

რეპორტიორმა თაკო ტრაპაიძემ  მოამზადა.

Funded through the Alumni Grants Program, U.S. Embassy in Georgia/დაფინასებულია საქართველოში აშშ-ის საელჩოს ალუმნი საგრანტო პროგრამის ფარგლებში