ბრიტანეთში სკოლის გასაცდენად მოსწავლეები COVID-19-ის ტესტს ფორთოხლის წვენით აყალბებდნენ

დიდ ბრიტანეთში სკოლის მოსწავლეები ფორთოხლის წვენს იყენებენ COVID-19-ზე სწრაფი ტესტის დადებითი პასუხის გასაყალბებლად და შემდგომ სკოლის გასაცდენად.

Guardian-მა ეს ხერხი ცდით დაადასტურა. თუმცა ეს არ ნიშნავს იმას, რომ ფორთოხლის წვენი კორონავირუსს შეიცავს, არამედ ეს უკავშირდება მის მჟავიანობას, რომელიც ტესტს აყალბებს. მსგავსი შედეგი სხვა პროდუქტების გამოყენების დროსაც მიიღება, მაგალითად კეჩუბის ან კოკა-კოლას შემთხვევაშიც.

ბრიტანელი სტუდენტების მასწავლებელმა თქვა, რომ ეს ხერხი მას სტუდენტებმა აჩვენეს: “მათ თქვეს, რომ ეს იდეალური გზაა სკოლის 2 კვირით გასაცდენად”.

ეს ხერხი  TikTok-ზე გვხვდება, სადაც ბავშვები სხვადასხვა სითხეებს იყენებენ ტესტების გასაყალბებლად. ერთ-ერთი მედიის ცნობით ამ ჰეშთეგით #fakecovidtest ატვირთულ ვიდეოებს 6.5 მილიონზე მეტი ნახვა აქვთ.