დიდი ბრიტანეთის დაზვერვის ინფორმაციით, ოკუპანტებს სევეროდონეცკის სამხრეთით ტერიტორიული წინსვლისთვის არ მიუღწევიათ. ამასთან ერთად, ქალაქის ქუჩებში მძიმე ბრძოლები გრძელდება.
“რუსეთის სამხედრო ძალები უკრაინის ქვედანაყოფების დამარცხების მიზნით, თავის საარტილერიო და საჰაერო შესაძლებლობებს მაქსიმალურად იყენებს.
აპრილიდან მოყოლებული, ოკუპანტებმა, სავარაუდოდ, 1960-იანი წლებში შექმნილი ათობით მძიმე ხომალდსაწინააღმდეგო რაკეტები გაუშვეს. ეს 5.5 ტონიანი რაკეტები, პირველ რიგში, ავიამზიდების გასანადგურებლად იყო შექმნილი. სახმელეთო თავდასხმებში გამოყენების დროს ისინი არაზუსტია და, შესაძლოა, მნიშვნელოვანი გვერდითი ზიანი და ადამიანური მსხვერპლი გამოიწვიოს.
რუსეთი, სავარაუდოდ, თანამედროვე რაკეტების სიმცირის გამო, მსგავსს მოწყობილობებს იყენებს. ოკუპანტები შესაბამისი სადაზვერვო უპილოტო საფრენი აპარატების დეფიციტს განიცდიან, რაც სანქციებისა და შიდა წარმოების შეზღუდვით არის გამოწვეული”. – წერია ანგარიშში.
Loading ...
