ბრიტანეთი: უკრაინის სამხედრო ძალებმა სევეროდონეცკის ნაწილი დაიბრუნეს

დიდი ბრიტანეთის დაზვერვის ინფორმაციით, ბოლო 48 საათის განმავლობაში, უკრაინის სამხედრო ძალებმა სევეროდონეცკის ნაწილი დაიბრუნეს, თუმცა ოკუპანტები აღმოსავლეთ ოლქების ოკუპაციას განაგრძობენ.

“მიუხედავად იმისა, რომ ოკუპანტებმა პოპასნას სამხრეთით ტერიტორიულ წინსვლას მიაღწიეს, გასულ კვირაში მათი პროგრესი შეჩერდა.იზიუმთან ძლიერი დაბომბვის შედეგად, ვარაუდობენ, რომ რუსეთი ჩრდილოეთ ღერძზე განახლებული შეტევებისთვის ემზადება”. – წერია ანგარიშში.

Latest Defence Intelligence update on the situation in Ukraine – 7 June 2022

Find out more about the UK government's response: https://t.co/wlN06HEVws

?? #StandWithUkraine ?? pic.twitter.com/BiDv2cZSCv

— Ministry of Defence ?? (@DefenceHQ) June 7, 2022

19 აპრილის დადგომასთან ერთად, რუსეთის სამხედრო ძალებმა დონბასში, აღმოსავლეთ უკრაინაში ინტენსიური თავდასხმები წამოიწყეს და ომის ახალ ეტაპზე გადავიდნენ.

როგორც უკრაინის პრეზიდენტი, ვოლოდიმირ ზელენსკი ამბობს, დაწყებულია ომი დონბასისთვის.

როგორც რუსეთის შეიარაღებულ ძალებში ამბობენ, მათი მიზანია სრული კონტროლი მოიპოვონ დონბასსა და სამხრეთ უკრაინაზე, რათა ყირიმსა და მოლდოვის ოკუპირებულ ტერიტორიას, დნესტრისპირეთს სახმელეთო დერეფნით დაუკავშირდნენ.