საზოგადოებრივი მაუწყებლის მრჩევლებად ზაზა აბაშიძე, ბონდო მძინარაშვილი და გია მურღულია აირჩიეს. მათ კანდიდატურებს კენჭი პარლამენტში რამდენიმე წუთის წინ უყარეს.
ზაზა აბაშიძემ 98 ხმა მიიღო, ბონდო მძინარაშვილმა – 95, გია მურღულიამ – 92. საბჭოს წევრობა სურდა დოდო შონავასაც, მან ხმების საჭირო რაოდენობა ვერ დააგროვა.
მეურვის ასარჩევად მინიმუმ 76 ხმა იყო საჭირო. ამ ოთხი კანდიდატიდან გია მურღულია უმრავლესობამ წარადგინა, უმრავლესობის მიღმა დარჩენილმა დეპუტატებმა კი – ბონდო მძინარაშვილი, ზაზა აბაშიძე და დოდო შონავა. საქართველოს კანონმდებლობით, მეურვეებს 6 წლის ვადით ირჩევენ.
ამ თანამდებობაზე მუშაობა ანაზღაურებადია. 9-წევრიან საბჭოში თითოეული მეურვის ანაზღაურება, საზოგადოებრივი მაუწყებლის მონაცემებით, 4 ათას ლარს აღემატება.
კომენტარები
Loading ...