2024 წლის 1 აგვისტოდან 2025 წლის 31 ივლისის ჩათვლით, საქართველოდან ექსპორტირებულია 18.2 ათასი ტონა თხილი. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
ინფორმაციის მიხედვით, თხილის ექსპორტის საერთო ღირებულებამ 119.7 მლნ აშშ დოლარი შეადგინა.
წინა წლის ანალოგიურ პერიოდთან შედარებით, ექსპორტის მოცულობა 25%-ით (3.6 ათასი ტონით), ხოლო საექსპორტო ღირებულება – 45%-ით (36.9 მილიონი აშშ დოლარით) გაიზარდა.
აღნიშნულ პერიოდში 1 კილოგრამი თხილის საშუალო საექსპორტო ფასი შეადგენდა 6.59 აშშ დოლარს, რაც 16%-ით მეტია წინა წლის შესაბამის მაჩვენებელზე.
ქართული თხილის ექსპორტი ძირითადად ევროკავშირის ბაზრებზე ხორციელდება, განსაკუთრებით შემდეგ ქვეყნებში: იტალია, ესპანეთი, გერმანია, საფრანგეთი, პოლონეთი, ჩეხეთი და სხვა.
გარდა ევროკავშირის ქვეყნებისა, თხილის ექსპორტი ასევე განხორციელდა სომხეთში, ისრაელში, თურქეთში, ჩინეთში, მაროკოში, რუსეთსა და ალჟირში.
www.bpn.ge
Loading ...