„კოვიდ-19“-ის გამომწვევ ვირუსს ინფექციურობის შენარჩუნება ბანკნოტების, ტელეფონის ეკრანებისა და უჟანგავი ფოლადის ზედაპირზე 28 დღის განმავლობაში შეუძლია.
„ბიბისის“ ინფორმაციით, ავსტრალიის ეროვნული სამეცნიერო სააგენტოს მიერ ჩატარებული კვლევით, „სარს-კოვ-2“-ს სხვადასხვა ზედაპირზე გადარჩენა უფრო დიდხანს შეუძლია, ვიდრე ადრე იყო მიჩნეული.
შედარებისთვის, გრიპის ვირუსს იმავე პირობებში გადარჩენა 17 დღის განმავლობაში შეუძლია.
წინა ლაბორატორიულმა გამოკვლევებმა აჩვენა, რომ „სარს-კოვ-2“ შეიძლება, გადარჩეს ორი ან სამი დღის განმავლობაში ბანკნოტებსა და მინაზე, ხოლო პლასტიკურ და უჟანგავ ფოლადზე ექვს დღეს.
ამასთან, ზოგიერთმა ექსპერტმა რეალურ ცხოვრებაში ზედაპირული გადაცემის საფრთხესთან დაკავშირებით ეჭვი შეიტანა.
„ბიბისი“ წერს, რომ ვირუსი ყველაზე ხშირად გადადის მაშინ, როდესაც ადამიანი ახველებს, აცემინებს ან საუბრობს.
ბრიტანული გამოცემა აღნიშნავს, რომ კვლევა კარდიფის უნივერსიტეტის გაციების ცენტრის ყოფილმა დირექტორმა, რონ ეკლსმა გააკრიტიკა. მისი თქმით, მოსაზრება იმის შესახებ, რომ ვირუსი შეიძლება, გადარჩეს 28 დღის განმავლობაში, „არასაჭირო შიშს იწვევს საზოგადოებაში“.
Loading ...