ბათუმში, სათარჯიმნო ბიუროში რუსეთის მოქალაქეებმა უკრაინის დროშა ჩამოხიეს და თანამშრომელს დაარტყეს

ბათუმში, ერთ-ერთ სათარჯიმნო ბიუროში მისულმა რუსეთის მოქალაქეებმა იქ გაკრული უკრაინის დროშა ჩამოხიეს და თანამშრომელს ფიზიკური შეურაცხყოფა მიაყენეს.

როგორც ერთ-ერთი თანამშრომელი აცხადებს, რუსეთის მოქალაქეების გაღიზიანება გამოიწვია ბიუროში არსებულმა წარწერამ, რომელიც რუსულ გემს უკავშირდებოდა. მათ დაიწყეს ბიუროს თანამშრომლებთან ჩხუბი.

ბიუროს თანამშრომელი ამბობს, რომ მის კოლეგას ინციდენტის ასახვა უნდოდა და ვიდეოს გადაღება დაიწყო, რა დროსაც მას ერთ-ერთი ქალი ფიზიკურად შეეხო – “დაარტყა”, რის შემდეგაც ადგილზე პოლიცია გამოიძახეს.

“ჯერ დაგვემუქრნენ, უნდა გიჩივლოთ, დაგვიწერეთ თქვენი სახელი და გვარი რომ გიჩივლოთო. ჩხუბი უნდოდათ, მაგრამ ჩვენ არ ავყევით. მე სახელი და გვარიც დავუწერე – წადით და მიჩივლეთ-მეთქი. ეს არ მოეწონათ და დაიწყეს დროშის ჩამოხევა”, – ამბობს ბიუროს ტანამშრომელი ბათუმელებთან საუბარში.

formulanews.ge