ბათუმში მეეზოვე ქალს ავტომობილი დაეჯახა

დღეს, 25 იანვარს, ბათუმში, ხიმშიშვილის ქუჩაზე, სამსახურებრივი მოვალეობის შესრულებისას, მეეზოვე ქალს ავტომობილი დაეჯახა.

ავარიის შედეგად დაშავებული 43 წლის ქალი კლინიკაში გადაყვანის შემდეგ გარდაიცვალა.

შსს-ს ინფორმაციით გამოძიება დაწყებულია სსკ-ის 276-ე მუხლით, რაც არის ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია.

წყარო – ბათუმელები