ბათუმში „კოვიდ-19“-ით ინფიცირების ორი ახალი შემთხვევა გამოვლინდა, ორივე შემთხვევა იმპორტირებულია.
აჭარის ჯანდაცვის მინისტრის მოადგილის, ნინო ნიჟარაძის განცხადებით, ერთი გუშინ შემოვიდა სარფის საბაჟოდან, მეორე ინფიცირებული კი, უკვე ერთი კვირაზე მეტია, კარანტინში იმყოფება.
საერთო ჯამში ბათუმში გასულ ღამეს 102 პაციენტი გამოიკვლიეს, მათგან 100 ტესტის პასუხი უარყოფითი იყო.
აჭარაში სულ „პისიარ“ ტექნოლოგიით 2100, სწრაფი ტესტით კი, 500 პირი გამოიკვლიეს.
საქართველოში ამ დროისთვის ახალი კორონავირუსის 420 შემთხვევა არის დადასტურებული. გამოჯანმრთელდა 107 პაციენტი.
კომენტარები
Loading ...