ბათუმში ახალგაზრდა ქალი დაჭრეს

ბათუმში, ფრიდონ ხალვაშის გამზირზე ახალგაზრდა ქალი დაჭრეს, რომელიც სასწრაფო დახმარების ბრიგადამ კლინიკაში გადაიყვანა.

თვითმხილველების ინფორმაციით, ქალმა შვილი საბავშვო ბაღში დატოვა, ქუჩაში გამოსულს კი, სავარაუდოდ, ყოფილი ქმარი დახვდა და დანით დაჭრა. სხვა დეტალები ამ ეტაპისთვის უცნობია.

შემთხვევა დაახლოებით ერთი საათის წინ მოხდა.

ბათუმის სამედიცინო ცენტრში აცხადებენ, რომ 32 წლამდე ასაკის პაციენტი კლინიკაში სასწრაფო დახმარების ბრიგადამ შეიყვანა. ქალის მდგომარეობა ამ ეტაპზე სტაბილურია.

შინაგან საქმეთა სამინისტროს ინფორმაციით, მიმდინარეობს საგამოძიებო მოქმედებები. ცოტა ხნის წინ სამარტალდამცველებმა მამაკაცი დააკავეს.

წყარო: ajaratv.ge