ბათუმში სამუშაოდ წასული 24 წლის ქალი გარდაცვლილი იპოვეს. სამართალდამცველების ინფორმაციით, ანი მაჩაბელი “ორბის” საცხოვრებელი კომპლექსის მე-13 სართულიდან გადმოვარდა. ოჯახს ამ ვერსიის არ სჯერა. დედის თქმით, მისი შვილი მოკლულია.
„ჩემი შვილი თავს არ მოიკლავდა. ერთი კვირის წასულია. მუშაობა უნდა დაეწყო. გოგოსთან ერთად იყო. მე მას არ ვიცნობ. პოლიციაში ყოფილა უკვე დაკითხვაზე. მე ვურეკავ და ტელეფონი გათიშული აქვს. თუ მართალია, რატომ თიშავს ტელეფონს, მოვიდეს, დამელაპარაკოს“, – ამბობს გარდაცვლილი გოგოს დედა.
ანუკა მაჩაბლის მეგობარი სოციალურ ქსელში ახალგაზრდა ქალის შესახებ წერს და მასთან ბოლო საუბარს იხსენებს.
„მე-13 სართულის აივნიდან გადახტაო…. არ ვიცი, რა მოხდა, მაგრამ წამოუდგენელია, იმდენი გეგმა ჰქონდა, ისეთი მოტივირებული იყო… სამი საათით ადრე დამირეკა, ძალიან მხიარულად იყო, რაღაცები მომიყვა, მიყვარხარო და დამემშვიდობა… სულ რაღაც 25 წლის იყო.“ – წერს გარდაცვლილის მეგობარი.
Loading ...
