ბავშვისთვის კვების რეჟიმის შემუშავება ინდივიდუალურია. თუმცა არსებობს რამდენიმე ოქროს წესი, რომელიც ყველამ უნდა გაითვალისწინოს. კვების რეჟიმის ჩამოყალიბება ადრეულ ასაკში იწყება და ის ადამიანის ჯანმრთელობის საწყისს ქმნის. მასზე ბევრი რამ არის დამოკიდებული და მათ შორის ისიც, თუ როგორ შეძლებს სწავლას და ახალი უნარების, ცოდნის ათვისებას.
გიზიარებთ კვების 4 ოქროს წესს, რომელიც ყველა მშობელმა უნდა იცოდეს.
ბავშვის რაციონში წყლის რაოდენობა განსაზღვრული უნდა იყოს
ორგანიზმს არ შეუძლია სითხის გარეშე მუშაობა. ბალანსირებულ საკვებთან ერთად, რომელშიც ჩართულია ყველა აუცილებელი ნივთიერება, ბავშვმა ზრდა-განვითარებისათვის საჭირო და საკმარისი სითხე უნდა მიიღოს. სითხის დეფიციტი ნეგატიურად მოქმედებს ორგანიზმში მიმდინარე პროცესებზე. ამ დროს ბავშვი მოდუნებულია, გადაღლილი, გაფანტული აქვს ყურადღება, უჩივის თავის ტკივილს.
მისაღები სითხის რაოდენობა დამოკიდებულია ბავშვის ასაკსა და წონაზე. ჩვილი ბავშვისთვის რეკომენდებულია 10-15 მლ თითოეულ კილოზე. თუ ზაფხულია და ბავშვი ოფლიანობს, წყლის დოზა გაუზარდეთ. ერთი წლის ბავშვმა დღის მანძილზე 200-240 მილილიტრი წყალი უნდა მიიღოს, ორი წლის ბავშვმა 400-480 მილილიტრი. ყოველწლიურად პატარამ მიღებული წყლის დღიური დოზა 240 მილილიტრით უნდა გაზარდოს.
სწორად შეარჩიეთ ხორცის სახეობა, რომელსაც ბავშვი რეგულარულად მიირთმევს
ხორცს ბავშვის კვების რაციონში უდიდესი ადგილი უკავია. ხორცი მდიდარია ცილით, რომელიც უჯრედებისა და ქსოვილების საშენი მასალაა, ასევე იგი შეიცავს სხვადასხვა სახის მნიშვნელოვან ნივთიერებებს: რკინას, ფოსფორს, ამინომჟავებს, ბ ჯგუფის ვიტამინებს, რომელიც აუცილებელია ბავშვის ზრდა-განვითარებისთვის. ამასთანავე, ხორცი როგორც მყარი საკვები კომპონენტი მნიშვნელოვანია მეტყველების ჩამოყალიბებისთვისაც.
ხორცი ზოგადად სასარგებლო პროდუქტია, თუმცა არსებობს სახეობები, რომელიც ბევრ ცხიმს შეიცავს. სასურველია მათ მოერიდოთ და ბავშვს ცხიმებით მდიდარი თეთრი ხორცი შესთავაზოთ. ბევრმა არ იცის და რეალურად ბავშვისთვის ძალიან სასარგებლოა ინდაურის, ასევე კურდღლის ხორცი.
ინდაურის ხორცი მდიდარია სასარგებლო ნივთიერებებით. ადვილად ასათვისებელია, არ შეიცავს დიდი რაოდენობით ცხიმს, არ იწვევს ალერგიულ მოვლენებს და გამოიყენება ჩვილ ბავშვთა კვებაში. ინდაურის ხორცი ეფექტურია კუჭ-ნაწლავის პრობლემების დროს. იგი მდიდარია A და E ვიტამინით, მასში ქოლესტერინის უმნიშვნელო რაოდენობაა. ინდაური მდიდარია მიკროელემენტებით: კალციუმით, რკინით და კალიუმით. ბავშვის ორგანიზმი ინდაურის ცილას უფრო ადვილად ითვისებს, ვიდრე სხვა ხორცისას. ინდაურის ხორცი მდიდარია ფოსფორით, როგორც თევზი. ინდაურში, უფრო მეტი რკინაა, ვიდრე საქონლის ხორცში. იგი ასევე შეიცავს ფოლიუმის მჟავას და საუკეთესო პროდუქტია ორსულთათვის.
საქართველოში ინდაურის ხორცის შეძენას მარტივად შეძლებთ. Henry’s Kitchen-ის ინდაური ქილაში გახლავთ ნატურალური და ჯანსაღი პროდუქტი, რომლის შემადგენლობის 100% ინდაურის ხორცია. Henry’s Kitchen ერთ-ერთი პირველი ბრენდია ბაზარზე, რომელმაც დაიწყო ჯანსაღი, დაკონსერვებული პროდუქტის სეგმენტის განვითარება. ქილაში პროდუქტი დაცულია მზის სხივებისა და ჰაერის მოხვედრისგან, სპეციალური ტექნოლოგიის წყალობით კი შენარჩუნებულია პროდუქტის ბუნებრივი ვიტამინებისა და მინერალების შემცველობა. ბრენდის ასორტიმენტში 4 სახეობის ინდაურის ხორცია (მოთუშული ინდაურის ხორცი, ინდაურის მკერდი, ინდაურის პაშტეტი და შემწვარი ინდაურის ხორცი) სასურველია ბავშვს თავდაპირველად მოთუშული ინდაურის ხორცი შესთავაზოთ.
რაც შეიძლება მეტი ფერის ბოსტნეულით გაამდიდრეთ ბავშვის რაციონი
ბავშვის რაციონში ბოსტნეულის დამატება კარტოფილით დაიწყეთ. შემდეგ კი რამდენიმე დღიანი შუალედით მას სხვადასხვა სახეობის ბოსტნეული დაუმატეთ. ის კვების რაციონის ყოველდღიური შემადგენელი ნაწილი გახადეთ. რაც უფრო მეტი ფერის ბოსტნეულს შესთავაზებთ ბავშვს, მით უფრო ჯანმრთელი და ჭკვიანი გაიზრდება ის. ყველა სახეობის ბოსტნეული დიდი რაოდენობით უჯრედისს შეიცავს. უჯრედისი ხელს უშლის შეკრულობას, რაც სერიოზული გამოწვევაა ჩვილებისთვის დამატებითი კვების შემოღების შემდეგ. ამასთანავე, კარგია იმუნიტეტის ასამაღლებლად, რადგან ხელს უწყობს საკვების სწორად მონელებას და საკვები ნივთიერებების შეწოვას. გაითვალისწინეთ, ზოგმა ბავშვმა ახალი ბოსტნეული რომ დააგემოვნოს, შეიძლება მისი ბევრჯერ ნახვა დასჭირდეს. ამიტომ სასარგებლო პროდუქტი ხშირად გქონდეთ მაგიდაზე და საბოლოოდ პატარა მისი გასინჯვის გადაწყვეტილებას მიიღებს.
მიეცით ბავშვს არჩევანის საშუალება
ბავშვმა საკუთარი მენიუს შერჩევაში თავადაც უნდა მიიღოს მონაწილეობა. მშობელს სურს, რომ მისი შვილი ყოველთვის ჯანსაღად იკვებებოდეს და ამ დროს მას მკაცრად გაწერილ მენიუს სთავაზობს. ესეც დიდი შეცდომაა. ბავშვმა თავად უნდა გადაწყვიტოს, როდის რა უნდა, რომ მან კვებითი ჩვევების ჩამოყალიბება შეძლოს. ამიტომ მას ყოველთვის შესთავაზეთ რამდენიმე ვარიანტი, თუმცა ყველა იყოს ჯანსაღი. ასე უზრუნველყოფთ, რომ პატარა მუდამ ჯანსაღად იკვებებოდეს და თავადაც შეეძლოს გადაწყვეტილების მიღება, თუ რისი ჭამა სურს.
Loading ...
