‘’ბავშვთა დაცვის გაუმჯობესებული სისტემა გურიასა და კახეთში’’ ასე ქვია საკმაოდ მასშტაბურ და კომპლექსურ პროექტს, რომელსაც ასოციაცია „საქართველოს SOS ბავშვთა სოფელი“ ახორციელებს ახალგაზრდა პედაგოგთა კავშირთან ერთად, გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის ფინანსური მხარდაჭერით.
პროექტი მიზნად მოწყვლადი ბავშვიანი ოჯახების მხარდაჭერას, ასევე ბავშვთა კეთილდღეობის სფეროში მომუშავე ადგილობრივი სამთავრობო და არასამთავრობო ორგანიზაციების გაძლიერებას ისახავს, რათა ოზურგეთის მუნიციპალიტეტებში ბავშვთა დაცვის სისტემის გაუმჯობესებას ხელი შეეწყოს.
პროექტი რამდენინიმე მიმართულებისგან შედგება და თითოეულ მათგანზე ორგანიზაციაში ინტენსიური და სკულპუროზული საქმიანობა მიმდინარეობს.
ანა მჟავია – პროექტის კოორდინატორი:
პირველი მიმართულება ეს არის ბავშვთა დაცვის სისტემის გაუმჯობესება(რეგიონში), რომელიც გულისხმობს ბავშვთა კეთილდღეობის სფეროში მომუშავე ადგილობრივი სამთავრობო და არასამთავრობო ორგანიზაციების გაძლიერებას. ამ მიზნით ადგილობრივი სფეროს სპეციალისტებისათვის პროექტის მიერ მიწოდებულ იქნა ტრენინგები და პროფესიული ზედამხედველობის სესიები. გარდა ამისა, უწყებათაშორისი კოოორდინირებული მუშაობის ხელშეწყობას მიზნით სისტემატურად იმართება მულტისექტორული მრგვალი მაგიდის შეხვედრები, სადაც განიხილება თითოეულ ოჯახებთან დაკავშირებული ძირითადი სირთულეები და მათი გადაჭრის გზები.
მეორე მიმართულებას წარმოადგენს თემში ბავშვთა დაცვის სისტემის გაუმჯობესება, რომელიც გულისხმობს საგანმანათლებლო სისტემაში ბავშვთა ძალადობისაგან დაცვის შესახებ ცნობიერების 0ამაღლებასა და დაცვის მექანიზმების გაუმჯობესებას. ამ მიზნით ჩატარდა შეხვედრები სამიზნე ტერიტორიული ერთეულების 10 საჯარო სკოლაში, რომლებშიც მონაწილეობა მიიღო 132 მასწავლებელმა და 240 მოსწავლემ.
მესამე მიმართულება ეს არის უშუალოდ ოჯახის გაძლიერების პროგრამა , რომელიც მოიცავს სოციალურად დაუცველი ბავშვიანი ოჯახების მხარდაჭერა. პროექტის ერთ-ერთ ძლიერ მხარეს წარმოადგენ მულტიგუნდური მიდგომა კრიზისში მყოფი ოჯახების მიმართ, რომელიც შედგება სოციალური მუშაკის, ფსიქოლოგისა და დასაქმების კონსულტანტისგან.
ჰოლისტური მიდგომა ოჯახებთან მუშაობის სპეციფიკაში მნიშვნელოვანად წინგადადგმული ნაბიჯია, ვინაიდან ოჯახის სირთულეებს პროექტი აღიქვასმ სამი განსხვავებული კუთხით, შესაბამისად სოციალურ-ეკონომიკურად დაუცველი ოჯახის მშობლებს აქვთ მეტი შესაძლებლობა იმისა,რომ გააუმჯობესონ დამცავი ოჯახური გარემო ბავშვებისთვის.
აღნიშნულ პროექტში ფსიქოლოგიური ინტერვენცია ერთ-ერთ მნიშვნელოვან რგოლს წარმოადგენს. ერთ–ერთი მთავარი მიზანი აღმზრდელობითი უნარების გაძლიერებაა და ოჯახურ გარემოში ბავშვთა უფლებების დამკვიდრებაა.
ანა ჭეიშვილი – ოჯახის გაძლიერების ფსიქოლოგი:
ოჯახებთან მუშაობის მეთოდოლოგია ძირითადად ეყრდნობა მოტივაციურ ინტერვიუირებას და ოჯახის საჭიროებებზე დაფუძნებულ ინტერვენციას, რომელიც გულისხმობს ინდივიდუალურ და გაერთიანებულ სესიებს, როგორც მშობლებთან ასევე ბავშვებთან.
ჩარევის ეს მოდელი უზრუნველყოფს იმ განმაპირობებელი მიზეზების დადგენას, რომელიც ხელს უშლის ოჯახის წევრებს სრულფასოვან ფუნქციონირებაში. ეს გარემოებები უმეტესად არის: ინტერპერსონალური კონფლიქტები, ძალადობრივი კომუნიკაციის ფორმები, ბრაზის მართვის და ემოციების რეგულაციის სირთულეები, აღზრდის არაეფექტური მეთოდები, თვითშეფასებასთან დაკავშირებული სირთულეები.
ინტერვენციის ძირითადი ფოკუსი მიმართულია ბავშვის უსაფრთხოებისა და დაცულობის განცდის ხელშეწყობისკენ, რადგან კვლევებით დასტურდება, რომ გარემო რომელშიც ბავშვი იზრდება მნიშვნელოვნად ზემოქმედებს მის განვითარებაზე.
ჩვენი პროექტი საშუალებას აძლევს ინტერვენციაში ჩართულ ოჯახებს, გარდა ინდივიდუალური სესიებისა მონაწილეობა მიიღონ გერმანიის ბავშვთა დაცვის ფედერაციის მიერ დანერგილ ტრენინგ-კურსში. საგანმანათლებლო მოდული „ძლიერი მშობლები-ძლიერი ბავშვები“ დაფუძნებულია მიმართულების მიმცემ აღზრდის მოდელზე და მასთან მიმართებაში განიხილავს სხვადასხვა საკითხს, როგორც განვითარების ხელშემწყობ და ხელშემშლელ ფაქტორებს.
კურსის ძირითადი მიზანია აღმზრდელობითი უნარების გაძლიერება და ბავშვთა უფლებების დამკვიდრება ოჯახურ გარემოში.
სოციალური ინტერვენცია პროექტის ერთერთი მთავარი კომპონენტია, რაც ძირითადად ბავშვის არაძალადობრივ გარემოში აღზრდისა და განვითარების უფლების დაცვას გულისხმობს.
სოფო კალანდაძე – პროექტის სოციალური მუშაკი:
მიმდინარე ეტაპზე პროექტში ჩართულია 54 ოჯახი, რომლებთანაც მიმდინარეობს სისტემური მუშაობა. სოციალური ინტერვენციის მთავარ მიზანს წარმოადგენს მათი სოციალური ფუნქციონირების ხარისხის ზრდის ხელშეწყობა და ბავშვის არაძალადობრივ გარემოში აღზრდისა და განვითარების უფლების დაცვა.
როცა უფლებებზე ვსაუბრობთ ხაზგასმით უნდა აღნიშნოს ბავშვის იმ ფუნდამენტალური უფლებების დაცვა, რომლებიც განაპირობებს მის მომავალს, როგორიცაა მაგალითად, განათლების, ჯანმრთელობისა და უსაფრთხოების უფლებები და სხვა, რომელთა დარღვევასაც მნიშვნელოვანწილად იწვევს ბავშვთა შრომითი მიგრაცია მეზობელ ქვეყანაში და შინამეურნეობებში დასაქმება. პრევენციის მიზნით პროექტის ფარგლებში აღნიშნულ საკითხთან დაკავშირებით მშობლებთან და ბავშებთან ხორციელდება ცნობიერების ამაღლების ღონისძებები.
ოჯახებთან სოციალური მუშაობა მიმდინარეობს სამ დონეზე, როგორც ინდივიდუალურ ისე მაკრო და მეზო დონეზე.
მნივნელოვანია, რომ ინტერვენციის პროცესში, სპეციალისტის მხარდაჭერით, ბენეფიციარი თავად აღმოაჩენს საკუთარ ძლიერ მხარეებს და რესურსებს, აქვს მოტივაცია, რომ თავად განახორციელოს პოზიტიური ცვლილებები. იზრდება მათი დამოუკიდებლობის ხარისხი, ეს ფაქტორები კი დადებითად აისახება მათ თვითეფექტურობასა და თავდაჯერებულობაზე.
აღნიშნული პროექტი ითვალისწინებს დასაქმების და პროფესიული უნარების გაძლიერებასაც. ამ მიმართულებით არაერთმა ბენეფიციარმა უკვე შეიძინა საჭირო კომპეტენციები და პროფესიისთვის საჭირო ინვენტარი
მარიამ პატარავა – დასაქმების კონსულტანტი:
პროექტის მონაწილეების ჩართვა დასაქმების ნაწილში ხდება მათი ინდივიდუალური ინტერესების გათვალისწინებით. ოჯახები ერთვებიან როგორც სოფლის მეურნეობის, ასევე მცირე ბიზნესის კომპონენტში და ორივე შემთხვევაში სერვისი მათ სთავაზოვსთ პროფესიული კომპეტენციებისა და უნარების გაძლიერებას. პროექტის ფარგლებში მოწვეული გარე ექსპერტები მონაწილეებს სთავაზობენ შესაბამის სასწავლო ტრენინგ მოდულებს და გარდა ამისა, სოფლის მეურნეობის კუთხით ჩართულ ოჯახებს საშუალება აქვთ ისარგებლონ ამავე ექსპერტების მხარდამჭერი მონიტორინგით, რომლებიც გასცემენ კონკრეტულ რეკომენდაციებს.
პროფესიული გადამზადების შემდეგ კი პროექტი ოჯახების ინტერესების გათვალისწინებით მათ გადასცემს გრანტს, როგორც სოფლის მეურნეობის , ასევე მცირე ბიზნესის მიმართულებით. 
როგორც ზემოთ აღინიშნა, მცირე ბიზნესის კუთხითაც ხდება პროექტის მონაწილეების კვალიფიკაციის ზრდა და დღემდე მათ შეიძინეს ისეთი პროფესიები როგორიცაა ელ.შედუღების სპეციალისტი, სანტექნიკოსი, ვიზაჟისა და სტილისტის სპეციალისტი და ა.შ. სასწავლო კურსების გავლის შემდეგ კი მონაწილეებს გადაეცათ თვითდასაქმებისთვის საჭირო პროფესიონალური ინვენტარი.
პროექტის ფარგლებში ასევე ხორციელდება ოზურგეთის მუნიციპალიტეტის საგანმანათლებლო დაწესებულებებთან თანამშრომლობა, რათა ხელი შეეწყოს ცნობიერების ამაღლებას ბავშვთა ძალადობისგან დაცვის საკითხებზე.
პროექტი, რომელიც 2020–2023 წლებს მოიცავს, თავისი არსით მართლაც საკმაოდ მასშტაბურია, მასში 60 ოჯახი 6 სამიზნე ტერიტორიული არეალიდან არის ჩართული და საერთო ჯამში, პროექტის დასასრულისთვის ისინი არაერთი მნიშვნელოვანი უნარითა და კომპეტენციით იქნებიან აღჭურვილი, რაც მათ ცხოვრებას, როგორც შიგნით, ისე სოციალურ წრეში მნიშვნელოვნად გააძლიერებს.
„ეს მასალა შექმნილია კამპანია „ეს ქვეყანა შენიას“ ფარგლებში, რომელსაც ახორციელებს სამოქალაქო საზოგადოების ინსტიტუტი ევროკავშირისა და კონრად ადენაუერის ფონდის მხარდაჭერით. მის შინაარსზე სრულად პასუხისმგებელია გურიაTV და შესაძლოა, რომ იგი არ გამოხატავდეს სამოქალაქო საზოგადოების ინსტიტუტის, ევროკავშირისა და კონრად ადენაუერის ფონდის შეხედულებებს.“
Loading ...
