ბავშვებისთვის განკუთვილი ვადაგასული ხორცი _ რა ხდება სასაკლაოზე

სურსათის ეროვნული სააგენტოს გურიის რეგიონულმა სამმართველომ, ოზურგეთის სოფელ დვაბზუში ვადაგასული ხორცი აღმოაჩინა.

სააგენტოს სამმართველოს უფროსის მანან ერქომაიშვილის თქმით, ხორცი აჭარის ბაღებისთვის იყო განკუთვნილი.

_ ეს არის შპს “სოფოს” მიერ ნაქირავები ფართი, სადაც ხდება დაფილვა. ეს შპს ამარაგებს აჭარისა და ოზურგეთის საბავშვო ბაღებს. ამ შემთხვევაში ხორცი, რომელიც არის ვადაგასული, ეტიკეტის და საბუთების გარეშე ხვალ დილით უნდა შესულიყო აჭარის საბავშვო ბაღებში, _ გვითხრა ერქომაიშვილმა. 

ამ წუთებში სურსათის ეროვნული სააგენტოს წარმომადგენლები ხორცს ლუქავენ.

მიუხედავად მრავალგზის მცდელობისა, ვერც სურსათის უვნებლობის სამსახური და ვერც ჩვენ, შპს “სოფოს” წარმომადგნელებს ვერ დავუკავშირდით.