ბავშვების სანახავად, თბილისის დასათვალიერებლად, ახალი წლის აღსანიშნავად _ სად და რატომ წაიყვანა "ოცნებამ" გურულები

დღეს დილის ექვსის ნახევრიდან გურიის სამივე ქალაქში ავტობუსებისა და სამარშრუტო ტაქსების მობილიზება იყო. ”ქართულმა ოცნებამ” დღეს თბილისში დაგეგმილ შეკრებაზე 5 000 მდე ადამიანი წაიყვანა. როგორც პარტიის წარმომადგენლები აცხადებენ, მოქალაქეები საკუთარი ნებით, სურვილის შესაბამისად მიჰყავთ, რათა საქართველოს ევროსაბჭოს თავმჯდომარეობა ერთად აღნიშნონ. თუმცა თბილისში წასვლის მიზეზად შეკრებილი მოქალაქეები სხვადასხვა გარემოებას ასახელებენ. ზოგმა განგვიცხადა, რომ დაბადების დღეზე მიდის, ნაწილის თქმით, ჩოხატაურში ბაზრობაზე გადაწყვიტა წასვლა, ზოგი დილაადრიან შეკრების მიზეზად ქორწილს ასახელებს. ნაწილი კამერას დაემალა, ზოგიერთმა კი განაცხადა, რომ არსადაც არ მიდის და სამარშრუტო ტაქსში დილის ექვს საათზე სულ ტყუილად ზის.

აღსანიშნავია, რომ თბილისში წამსვლელების დიდი ნაწილი ”ქართული ცონების” წევრები და მხარდამჭერები, საჯარო მოხელეები, ა.ა.ი.პ.–ებში დასაქმებულები, სკოლის დირექტორები და პედაგოგები იყვნენ.ვიდეომასალას ”გურიაTV” მალე შემოგთავაზებთ.