ახმეტის მუნიციპალიტეტში უბედურ შემთხვევას 3 წლის ბავშვი ემსხვერპლა

ახმეტის მუნიციპალიტეტის სოფელ ახშანში უბედურ შემთხვევას 3 წლის ბავშვი ემსხვერპლა.

3 წლის ბავშვმა ფსიქოტროპული პრეპარატი დალია. მცირეწლოვანი ბიჭი ჯერ ადგილობრივ, შემდეგ კი თბილისში, იაშვილის კლინიკაში მოათავსეს, თუმცა ექიმებმა მისი გადარჩენა ვერ შეძლეს.

თანასოფლელების ინფორმაციით, ბიჭი შემთხვევის დროს დასთან ერთად იმყოფებოდა.

მცირეწლოვანი და- ძმა, სოფელ ახშანში ბებიასთან იზრდებოდა, რადგან სოციალურმა სამსახურმა ალკოჰოლზე დამოკიდებულების და და არასათანადო პირობების მიზეზით დედ- მამას მშობლის უფლება შეუზღუდა, მცირეწლოვნების მეურვეობა კი ბებიას დააკისრა.

„შემთხვევის დროს ბავშვები თამაშობდნენ. პატარა ბიჭს მაშინ დაულევია წამალი. ყველაფერს ეცადნენ, მაგრამ ვერ გადაარჩინეს“, – ამბობენ ადგილობრივები.