ახალქალაქის მუნიციპალიტეტის სოფელ პატარა სამსარში, შუახნის მამაკაცი ყოფილი მეუღლის სახლში შეიჭრა და მისი ახლობლები, მათ შორის, 8 თვის ბავშვი დაჭრა.ახალქალაქის საავადმყოფოს ინფორმაციით, დაშავებულებს: ბავშვს, მამაკაცსა და შუახნის ქალს (სავარაუდოდ, დაზარალებულის ყოფილი მეუღლის ძმა და რძალი) დანით სხვადასხვა ხარისხის ჭრილობები აქვთ მიყენებული, ხოლო ასაკოვანმა ქალმა (სავარაუდოდ, ცოლის დედა) დიდი რაოდენობით სისხლი დაკარგა და შოკურ მდგომარეობაშია.
შემთხვევა დღეს, 11 დეკემბერს, დაახლოებით 17:00 – 18:00 საათების შუალედში მოხდა. წინასწარი ინფორმაციით, მამაკაცი ციხეში ოჯახური ძალადობის გამო იხდიდა სასჯელს. ყოფილი მეუღლე კი მშობლების სახლში დაბრუნდა.
დღეს ღამით 40 წელს გადაცილებული მამაკაცი ყოფილი მეუღლის მშობლების სახლში შეიჭრა, ცოლის ნათესავებს ცივი იარაღით დაესხა თავს და მიიმალა.
წყარო: Jnews
Loading ...