ახალი დანიშვნები ოზურგეთის მერიაში – თალაკვაძემ სამი სამსახურის უფროსი შეცვალა

ოზურგეთის მუნიციპალიტეტის მერმა ავთანდილ თალაკვაძემ საზოგადოებას მორიგი საკადრო გადაწყვეტილებების შესახებ აცნობა.  განათლების, კუილუტირს, სპორტის და ახალგაზრდულ საქმეთა სამსახურის უფროსის პოსტი ლალი სიჭინავამ დაიკავა, ის მანამდე ცხემლისხიდის საჯარო სკოლის დირექტორის პოზიციას იკავებდა. სიჭინავამ აღნიშნულ პოსტზე მარინა ჯაფარიძე ჩაანაცვლა.

სამხედრო გაწვევის, აღრიცხვის და მობილიზაციის სამსახურის უფროსის პოზიციაზე გელა ჭანუყვაძე დაინიშნა. მან აღნიშნულ თანამდებობაზე ილია ლეჟავა ჩაანაცვლა, რომელიც ამჟამად წინასწარ პატიმრობაში იმყოფება. წარსულში გელა ჭანუყვაძე ოზურგეთის საკრებულოში სხვადასხვა პოზიციას იკავებდა.

საფინანსო-საბიუჯეტო სამსახურის უფროსად თალაკვაძემ ამავე სამსახურის განყოფილების უფროსი პავლე ჭყონია დააწინაურა, რომელმაც აღნიშნულ პოსტზე გია მამაკაიშვილი შეცვალა.

”მინდა ვთხოვო მათ, რომ მაქსიმალურად ეფექტიანად შეასრულონ დაკისრებული მოვალეობები და მაქსიმალური კომუნიკაცია შეინარჩუნონ მოქალაქეებთან.” – დასძინა ავთანდილ თალაკვაძემ