თელავში მომხდარ ავტოსაგზაო შემთხვევას ახალგაზრდა მამაკაცის სიცოცხლე ემსხვერპლა. შემთხვევა გვიან ღამით სოფელ კურდღელაურში მოხდა.
არსებული ინფორმაციით, მსუბუქი ავტომობილი ხევში გადავარდა. მანქანაში ორი მგზავრი იმყოფებოდა. შემთხვევის შედეგად ერთი პირი ადგილზე დაიღუპა, მეორე დაშავდა.
ექიმების თქმით, დაშავებული მგზავრის მდგომარეობა სტაბილურია.
გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
კომენტარები
Loading ...
