ბაკურციხე-გურჯაანის შემოვლით გზაზე, 32 წლის კაცი გარდაცვლილი იპოვეს.
ადგილობრივი მედიის მიერ გავრცელებული წინასწარი ინფორმაციით, მას ავტომობილი დაეჯახა და მძღოლი შემთხვევის ადგილიდან მიიმალა
გამოცემა “მთავარი ამბები კახეთიდან” წერს, რომ შემთხვევა დღეს, დღის პირველ ნახევარში მოხდა. კაცი გურჯაანის მუნიციპალიტეტის სოფელ კარდენახის მკვიდრია. ცნობილია, რომ ოჯახის წევრები მას გუშინდელი დღიდან ეძებდნენ, გარდაცვლილი კი მას შემდეგ იპოვეს, რაც გზის პირას მისი ავტომობილი შენიშნეს
ახალგაზრდა კაცის თანასოფლელები გამოცემასთან ამბობენ, რომ გარდაცვლილი კაცი აღნიშნულ მონაკვეთზე ხშირად ვარჯიშობდა. ისინი ვარაუდობენ, რომ შემთხვევა სწორედ ვარჯიშის დროს მოხდა.
კომენტარები
Loading ...