აჭარაში, მდინარე მაჭახელა კალაპოტიდან გადავიდა – დაიტბორა საცხოვრებელი სახლები

აჭარაში, მაჭახელას ხეობაში მდინარის ადიდებამ პრობლემები შექმნა. ადგილობრივების ინფორმაციით, მდინარე მაჭახელა კალაპოტიდან გადავიდა და რამდენიმე საცხოვრებელი სახლი და საყანე მიწები დატბორა. დაზიანდა ახლომდებარე სარესტორნო ინფრასტრუქტურა. მოსახლეობა ხელისუფლებას მიმართავს.

როგორც ხელვაჩაურის მერიაში აცხადებენ, მოსახლეობას საფრთხე არ ემუქრება. მათივე თქმით, მუნიციპალიტეტის ყველა შესაბამისი სამსახურები ადგილზე არიან მობილიზებული.

“ამინდის მკვეთრი გაუარესების შედეგად, მდინარე მაჭახელა ადიდდა და გადმოვიდა კალაპოტიდან. დაზიანდა ახლომდებარე სარესტორნო ინფრასტრუქტურა და დატბორილია რამდენიმე საცხოვრებელი სახლი. ამ ეტაპზე მოსახლეობას საფრთხე არ ემუქრება.

ხელვაჩაურის მერიის შესაბამისი სამსახურების წარმომადგენლები ადგილზე იმყოფებიან. ინტენსიურად მიმდინარეობს გაწმენდითი სამუშაოები”,- აცხადებენ უწყებაში.