აშშ-ში, ლუიზიანას შტატის ქალაქ შრივპორტში სროლის შედეგად რვა ბავშვი დაიღუპა, – ამის შესახებ „ბიბისი“ წერს.
შემთხვევა ადგილობრივი დროით დაახლოებით დილის 05:00 საათზე მოხდა. პოლიციის ცნობით, ერთმა შეიარაღებულმა პირმა ათ ადამიანს ესროლა. დაღუპულია 14 წლამდე ასაკის რვა ბავშვი.
პოლიციის ცნობით, თავდამსხმელი შემთხვევის ადგილიდან გაქცევას ცდილობდა, რა დროსაც სამართალდამცველებმა ის გაანეიტრალეს.
პოლიციას ამ დროისთვის არ დაუსახელებია თავდამსხმელის ვინაობა, თუმცა ცნობილია, რომ დაღუპული ბავშვები სავარაუდო დამნაშავის ნათესავები იყვნენ. პოლიციის თქმით, შემთხვევა ოჯახურ კონფლიქტს უკავშირდება.
აღნიშნულ ფაქტთან დაკავშირებით მიმდინარეობს გამოძიება.
კომენტარები
Loading ...