აშშ-ის ჯანდაცვის ეროვნული ინსტიტუტის დირექტორი, ფრენსის კოლინზი აცხადებს, რომ ნაკლებად სავარაუდოა, უფრო თბილმა ამინდმა კორონავირუსის გავრცელება შეაჩეროს. ამის შესახებ CNN-ი წერს.
კოლინზის თქმით, კლიმატი კორონავირუსის კონტროლისთვის, მნიშვნელოვანი სეზონური ფაქტორი მხოლოდ მაშინ იქნება, „როდესაც მოსახლეობის დიდი ნაწილის იმუნური სისტემა ინფექციისადმი მდგრადი გახდება“.
„აშკარად რამდენიმე თვე დაგვჭირდება მონაცემების მისაღებად, ახლა ბევრი მკვლევარი ეჭვობს, რომ კორონავირუსის პანდემია ზაფხულში შენელდება“ , – დასძინა მან.
როგორც კოლინზი აღნიშნავს, ჩატარებული ექსპერტიმენტების მიხედვით, სითბოს და ტენიანობის ზრდამ შესაძლოა, შეამციროს SARS-CoV-2- ს ხილვადობა, როგორც ეს სხვა კორონავირუსების შემთხვევაში ხდება, მაგალითად გაციების, თუმცა მან ხაზგასმით აღნიშნა, რომ „COVID19 განსხვავებულია“.
მან ასევე კვლევის შედეგებზე ისაუბრა და აღნიშნა, რომ „მკვლევარების ჯგუფმა დაადგინა, რომ მთავარი ფაქტორი, რომელიც ზაფხულსა და შემოდგომაზე კორონავირუსის სწრაფ გავრცელებას ხელს შეუწყობს არა ამინდი, არამედ ადამიანებში კორონავირუსის მიმართ იმუნიტეტის ნაკლებობა იქნება“.