აშშ-ის საელჩო საელჩოს ტერიტორიაზე უსაფრთხოების საკითხზე სამართალდამცველების რეაგირებასთან დაკავშირებით განცხადებას ავრცელებს

თბილისში, აშშ-ის საელჩოსთან სამართალდამცველები არიან მობილიზებული.

მედიაში გავრცელებული ინფორმაციით, მიმდებარე ტერიტორიაზე გამნაღველები მუშაობენ.

აღნიშნულ ინფორმაციას ეხმაურება აშშ-ის საელჩო და აღნიშნავს, რომ „აშშ-ის საელჩო აფასებს საქართველოს სამართალდამცავი ორგანოების მიერ გაწეულ მხარდაჭერასა და თანამშრომლობას, დღეს საელჩოს ტერიტორიაზე უსაფრთხოების საკითხზე რეაგირების კუთხით“.

აღნიშნულთან დაკავშირებით სხვა ოფიციალური ინფორმაცია არ ვრცელდება.

ცოტა ხნის წინ გავრცელდა ინფორმაცია, რომ  სამაშველო სამსახურში შევიდა შეტყობინება, რომ სავარაუდოდ საელჩოს ტერიტორია იყო დანაღმული, რის შემდეგაც ადგილზე ექსპერტები და სამართალდამცველები მივიდნენ. ისინი მედიასთან არ საუბრობენ. თუმცა ადასტურებენ ინფორმაციას, რომ ადგილზე განაღმვითი სამუშაოები მიმდინარეობს.