ამერიკის შეერთებული შტატების პრეზიდენტის ადმინისტრაციაში არ გამორიცხავენ, რომ რუსეთი ამზადებს ნიადაგს უკრაინაში ქიმიური, ან ბიოლოგიური იარაღის გამოყენებისთვის.
თეთრი სახლის პრესმდივანმა ჯენ საკიმ სიცრუე უწოდა რუსეთის განცხადებას, რომ უკრაინამ შესაძლოა, ქიმიური იარაღი გამოიყენოს. საკის თანახმად, მას შემდეგ, რაც რუსეთის ამ სიყალბეს და პროპაგანდას, როგორც ჩანს, ჩინეთიც მიემხრო, შესაძლოა, უკრაინაში თავად რუსეთმა გამოიყენოს ქიმიური, ან ბიოლოგიური იარაღი, ან ეს ოპერაცია ჩაატაროს ყალბი დროშით.
This is all an obvious ploy by Russia to try to try to justify its further premeditated, unprovoked, and unjustified attack on Ukraine.
— Jen Psaki (@PressSec) March 9, 2022
9 მარტს, რუსეთის თავდაცვის სამინისტროს ოფიციალურმა წარმომადგენელმა, იგორ კონაშენკოვმა უკრაინა დაადანაშაულა ქიმიური შეტევის მზადებაში. კონაშენკოვის თქმით, ხარკოვის ჩრდილო-დასავლეთში მდებარე დასახლებულ პუნქტ ზოლოჩოვში „უკრაინელმა ნაციონალისტებმა“ ჩაიტანეს 80 ტონამდე ამიაკი და ადგილობრივ მცხოვრებთ ასწავლიან, როგორ უნდა იმოქმედონ ქიმიური შეტევის შემთხვევაში. უკრაინამ ამ განცხადებას უწოდა სიცრუე და რუსული პროპაგანდის ნაწილი.
Loading ...
