საპროტესტო აქციების ფარგლებში სამართალდამცავების მიერ დაკავებული ირაკლი მიმინოშვილი, არსებული ინფორმაციით, სასამართლო სხდომაზე უჰაერობის გამო შეუძლოდ რამდენჯერმე გახდა.
მას სხდომათა დარბაზის დატოვება მოუწია, რის გამოც მოსამართლემ სხდომა 15 წუთით შეაჩერა.
მანამდე, მოსამართლე ირაკლი ხუსკივაძემ სხდომის დიდ დარბაზში გადატანის შუამდგომლობა არ დააკმაყოფილა. შუამდგომლობა ირაკლი მიმინოშვილისა და კიდევ იმ 7 პირის ადვოკატებმა დააყენეს, რომლების საქმეების განხილვაც საქალაქო სასამართლოში ამ წუთებში მიმდინარეობს.
მცირე დარბაზში შექმნილ უჰაერობაზე საუბრობს ასევე აქციების ფარგლებში დაკავებული ზვიად ცეცხლაძის დედა, ნარგიზ დავითაძე. მან ტაბულასთან საუბრისას თქვა, რომ დარბაზში ჭყლეტაა და უჰაერობა.
“ჭყლეტაა, არც ჟანგბადი მოდის, არც ჰაერი. ადამიანებად არ გვთვლიან. ადამიანი [ირაკლი მიმინოშვილი] რამდენჯერმე გახდა ცუდად – დარბაზს არ ცვლიან”. – თქვა ნარგიზ დავითაძემ ტაბულასთან საუბრისას.
Loading ...