დღეს აქცია გაიმართა ოზურგეთის მუნიციპალიტეტის სოფელ ოზურგეთში. მოსახეობამ შიდა გზის აღდგენის მოთხოვნით, ცენტალური, ლანჩხუთის მუნიციპალიტეტთან დამაკავშირებელი გზა 2 საათის განმავლობაში გადაკეტა.ადგილობრივები გზის აღდგენას უკვე 4 წელია ითხოვენ. დაპირებები იყო, თუმცა არ შესრულდა.
სოფელ ოზურგეთელებმა ასევ ცენტრალურ გზაზე ე. წ. მწოლიარე პოლიციელების დადგმაც მოითხოვეს, რომელიც მაღალგამავლობიანი , სატვირთო ავტომობილების სვლას შეანელებს და ამით ავარიული სიტუაციები აღარ შეიქმნება.
ოზურგეთის მუნიციპალიტეტის მერის წარმომადგენელმა, ბადრი თავდუმაძემ გვითხრა, რომ გზის პროექტი შედგენილია, თუმცა კონკრეტული თარიღი ვერ დაგვისახელა, პრობლემის მოგვარებისა.
აქვე ისიც აღნიშნა, რომ ე. წ. მწოლიარე პოლიციელების დადგმისთვის შესაბამის უწყებას კარგა ხანია მიმართეს.
ადგილზე მობილიზებული იყო საპატრულო პოლიცია, რომლის ჩარევითაც ცენტრალური გზა აქციის მონაწილეებმა გახსნეს.
კომენტარები
Loading ...
