აფრიკის დაავადებათა კონტროლის ცენტრის ინფორმაციით, ნიგერიაში კორონავირუსის კიდევ ერთი ვარიანტი აღმოაჩინეს

ნიგერიაში კორონავირუსის კიდევ ერთი ვარიანტი აღმოაჩინეს, – Reuters-ის ინფორმაციით, ამის შესახებ აფრიკის დაავადებათა კონტროლისა და პრევენციის ცენტრში აცხადებენ.

„ვირუსის ხაზი დიდი ბრიტანეთისა და სამხრეთ აფრიკის ხაზებისგან განსხვავდება“, – განაცხადა აფრიკის დაავადებათა კონტროლისა და პრევენციის ცენტრის დირექტორმა ჯონ ნკენგასონგმა.

მისი თქმით, ჯერჯერობით არ არსებობს იმის მტკიცებულება, რომ ბოლო პერიოდში ნიგერიაში დაფიქსირებული ვირუსის გავრცელების გაზრდილი მაჩვენებელი კოვიდ 19-ის ახალ ვარიანტთანაა დაკავშირებული.

ცნობისათვის, გასული კვირის განმავლობაში ნიგერიაში კორონავირუსის შემთხვევების რაოდენობა 52%-ით, სამხრეთ აფრიკაში კი – 40%-ით გაიზარდა.