დეკემბრიდან არავაქცინირებული მოქალაქეები კვების, გართობისა და სპორტულ-გამაჯანსაღებელ დაწესებულებებში ვეღარ შევლენ. ხვალიდან ქვეყნის მასშტაბით ე.წ. “მწვანე პასპორტი” ამოქმედდება.
ოზურგეთში სასტუმრო და სარესტორნო ბიზნესში ჩართული ადამიანები ამბობენ, რომ რეგულაციის შესასრულებლად მზად არიან და სიახლეს დადებითად აფასებენ, თუმცა როგორ იმოქმედებს ახალი წესის აღსრულება მომხმარებლების რაოდენობაზე, ამის წინასწარ განსაზღვრა უჭირთ.
მწვანე პასპორტის პრინციპი ამოქმედდება ოზურგეთის დრამატულ თეატრშიც. თეატრის სამხატვრო ხელმზღვანელი ვასო ჩიგოგიძე ამბობს, რომ ყველა წესი ზედმიწევნით შესრულდება და ამ მხრივ თეატრი ყველა საჭირო რესურსს გამოიყენებს.
როგორ იმუშავებს ახალი წესი და რამდენად მოახდენს ის მნიშვნელოვან გავლენას საქართველოში პანდემიის მართვაზე, ამაზე დაკვირვების შესაძლებლობა უკვე ხვალიდან გვექნება.
Loading ...