2019 წლის პირველ 6 თვეში, საქართველოში, 10-მა არასრულწლოვანმა მოიკლა თავი. ინფორმაცია ამის შესახებ საქართველოს შინაგან საქმეთა სამინისტროს ვებგვერდზეა განთავსებული.
ოფიციალური მონაცემების მიხედვით ირკვევა, რომ 6 დაღუპული გოგონა იყო, ხოლო 4 ვაჟი.
ასაკი სქესი რეგიონი
18 წლის, მამრობითი, თბილისი
15 წლის, მდედრობითი, თბილისი
14 წლის, მდედრობითი, თბილისი
17 წლის, მდედრობითი, შიდა ქართლი
18 წლის, მამრობითი, ქვემო ქართლი
16 წლის, მდედრობითი, ქვემო ქართლი
16 წლის, მდედრობითი, სამეგრელო-ზემო სვანეთი
15 წლის, მამრობითი, სამეგრელო-ზემო სვანეთი
18 წლის, მდედრობითი, რაჭა ლეჩხუმი და ქვემო სვანეთი
17 წლის, მამრობითი, კახეთი
შინაგან საქმეთა სამინისტროს ვებგვერდზე არსებული მონაცემებით ასევე ირკვევა, რომ ამავე პერიოდში, 30 წლამდე ასაკის 51-მა მოქალაქემ მოიკლა თავი.
მონაცემების ბოლოს მითითებულია, რომ “სუიციდის და სუიციდის მცდელობის შესახებ მონაცემები დამუშავებულია შსს ტერიტორიული დანაყოფების მიერ მოწოდებული ინფორმაციის საფუძველზე”
შინაგან საქმეთა სამინისტროს მონაცემების თანახმად, 2019 წლის პირველ 6 თვეში, თავი მოიკლა ან თვითმკვლელობა სცადა საქართველოს 425-მა მოქალაქემ, მათგან 197 დაიღუპა.
გასულ 2018 წელს კი, საქართველოს 399-მა მოქალაქემ მოიკლა თავი. თვითმკვლელობა კი 466-მა მოქალაქემ სცადა. ჯამში, სუიციდის და სუიციდის მცდელობის 865 შემთხვევა დაფიქსირდა.
ბოლო 1 წელსა და 6 თვეში, საქართველოს 596-მა მოქალაქემ სიცოცხლე თვითმკვლელობით დაასრულა.
www.amerikiskhma.com
Loading ...