ამ წუთებში შეტაკებაა, არ გახვიდეთ საცხოვრებელი ადგილებიდან! – საქართველოს საელჩოს საგანგებო მიმართვა ისრაელში მყოფ ქართველებს

საქართველოს საელჩო ისრაელის ქალაქ ლოდში მყოფ საქართველოს მოქალაქეებს სიფრთხილისკენ მოუწოდებს და სახლებში დარჩენას ურჩევს. როგორც განცხადებაშია ნათქვამი, ამ წუთებში პოლიციასა და მოსახლეობის ნაწილს შორის შეტაკებაა: 

“ქალაქ ლოდში მაცხოვრებელთა საყურადღებოდ ‼️‼️‼️

არ გახვიდეთ საცხოვრებელი ადგილებიდან. თუ გასული ხართ ქალაქიდან – დროებით, თავი შეიკავეთ დაბრუნებიდან. ამ წუთებში არის შეტაკება პოლიციასა და მოსახლეობის ნაწილს შორის” – წერია განცხადებაში.

ლოდში პროტესტის დროს ერთი პალესტინელი დაიღუპა და ორი დაიჭრა. პალესტინელის მოკვლაში ეჭვმიტანილი ადამიანი დაკავებულია. დემონსტრანტები პალესტინის გათავისუფლებას ითხოვედნენ. ისრეალის მედიის თანახმად, პროტესტმა ძალადობრივი სახე მიიღო და დემონსტრანტები თავს დაესხნენ სინაგოგას, სამხედრო აკადემიას და ქალაქის მიერიას.

მანამდე, საქართველოს საელჩომ ისრაელში საქართველოს მოქალაქეებს ისრეალსა და ღაზას სექტორს შორის სარაკეტო თავდასხმების გამო, საქართველოს საელჩო ისრაელში მყოფ მოქალაქეებს აფრთხილებდა.