ამ წუთებში პარლამენტის წინ ევროკავშირის დროშა ჩამოხსნეს

ამ წუთებში პარლამენტის წინ, სადაც ჰომოფობიური და პრორუსული პოლიტიკური პარტია “კონსერვატიული მოძრობის” ლიდერები მართავენ აქციას, ევროკავშირის დროშა ჩამოხსნეს. რუსთაველის გამზირზე შეკრებილებს სურდათ, სანაცვლოდ საქართველოს დროშის დაკიდება, რასაც ხელი შეუშალა ადგილზე მისულმა რამდენიმე პოლიციელმა. მათ “ალტ-ინფოს” ერთ-ერთი ლიდერი, ზურაბ მახარაძე გაიყვანეს.

აქციის მონაწილეები პარლამენტთან მსვლელობით მივიდნენ. აქციაზე ისმის ანტიდასავლური და შეურაცხმყოფელი შეძახილები. ისინი აპროტესტებენ იმ აქციის მონაწილეების გამოსვლებს, რომლებიც ეწინააღმდეგებოდნენ პარლამენტის მიერ პირველი მოსმენით მიღებულ უცხოური გავლენის აგენტების” კანონპროექტს.

წყარო: რადიო თავისუფლება