ლანჩხუთის მუნიციპალიტეტის სოფელ ნიგვზიანის რკინიგზის სადგურზე რუსული კომპანია”გაზპრომის” წარწერიანი სატვირთო ვაგონები დგას.
როგორც ლანჩხუთის საკრებულოს ოპოზიციონერი წევრები აცხადებენ, ყველა ვაგონი დაპლომბილია და შტრიხკოდი, რომელიც ვაგონებზეა დატანილი, ყალბია, რადგან მათივე თქმით, აღნიშნული შტრიხკოდი არცერთ საიტზე არ იხსნება და გაურკვეველია მისი წარმომავლობა. ვაგონები, რომელიც სავარაუდოდ, ნავთობითაა დატვირთული, გაურკვეველია, საქართველოში ჩამოიცლება თუ ტრანზიტული მიმართულებით წავა.
”საქართველოს ხელისუფლება პირდაპირ თანამშრომლობს ოკუპანტ რუსეთთან. ტვირთი, რომელიც აქ დგას სანქცირებულია მთელი ცივლიზირებული სახელმწიფოს მიერ. ”გაზპრომი” გამოგდებულია აბსოლუტურად ყველა ევროპული ქვეყნიდან. აქ კი საქართველოში, დღისით და მზისით დგას. გამოვა ეხლა ეკონომიკის მინისტრის გამოვა და სისულელეებს ილაპარაკებს. სინამდვილეში კი საქართველო პირდაპირ კავშირშია რუსეთის ხელისუფლებასთან. ჩვეულებრივად კოლაბორაციული მთავრობა გვყავს. ” – აცხადებს ლანჩხუთის საკრებულოს წევრი ”ნაციონალური მოძრაობიდან” კახა ასკურავა.
Loading ...