ამ ყაჩაღებმა ტელეკომპანია 7 მილიონით გაძარცვეს – კობახიძე გვარამიაზე

ირაკლი კობახიძის მორიგი შტურმი  ნიკა გვარამიაზე – “ქართული ოცნების” თავმჯდომარემ “მთავარი არხის” დირექტორს ყაჩაღი უწოდა.

კობახიძის თქმით, გვარამიამ 7 მილიონი მიითვისა.

გვარამიამ იცოდა, რომ უნდა გადაეცა საკუთარი ტელეკომპანია ძალიან მალე კანონიერი მფლობელისთვის, იცოდა, რომ სტრასბურგის სასამართლო მიიღებდა ამ გადაწყვეტილებას. წინასწარ იცოდა იმიტომ, რომ ყაჩაღურად მიითვისეს მათ „რუსთავი 2“. ამ ყაჩაღებმა იცოდნენ, რომ უნდა გადაეცათ ტელეკომპანია კანონიერი მფლობელისთვის და დაიწყეს ტელეკომპანიის ძარცვა მის გადაცემემდე და 7 მილიონით გაძარცვეს,

ამასთან, პარტიის თავმჯდომარე პრეზიდენტს პარლამენტიდან ეუბნება, რომ თუ დაპატიმრებულ მედიამენეჯერს შეიწყალებს, ამით ინსტიტუტს პატივს არ სცემს.

უბრალოდ გაგახსენებთ, რა სიტყვებით მოიხსენიებდა ნიკა გვარამია საქართველოს პრეზიდენტს. სამი სიტყვა გამოიყენა, პირველს გაგახსენებთ – ეს იყო რეზიდენტი, მეორეს და მესამეს არ გავიხსენებ ეთიკური ნორმებიდან გამომდინარე. როდესაც ამის შემდეგ ჩვენ თეორიულად ვსაუბრობთ იმაზე, რომ სალომე ზურაბიშვილმა შეიძლება შეიწყალოს ნიკა გვარამია, მაშინ გამოდის, რომ სალომე ზურაბიშვილი საერთოდ, ოდნავადაც არ სცემს პატივს პრეზიდენტის ინსტიტუტს. მე მგონი, ეს ასე არ იქნება, მინიმალური პატივისცემა მაინც იქნება პრეზიდენტის ინსტიტუტის მიმართ და ასეთ შემთხვევაში, რა თქმა უნდა, გამოირიცხება შეწყალება“, – განაცხადა კობახიძემ.