ათზე მეტი ადამიანი დაიღუპა ყაზახეთში სამგზავრო თვითმფრინავის კატასტროფის შედეგად

ყაზახეთის ქალაქ ალმა-ატის აეროპორტში კატასტროფა განიცადა სამგზავრო თვითმფრინავმა, რომელშიც 95 მგზავრი და ეკიპაჟის 5 წევრი იმყოფებოდა.

აეროპორტიდან აფრენისას ავიალაინერმა სიმაღლე დაკარგა, ბეტონის ღობე გაანგრია და ორსართულიან ნაგებობას შეეჯახა. ალმა-ატის საქალაქო ადმინისტრაციის ინფორმაციით, დაიღუპა 14 ადამიანი. ყაზახეთის პრეზიდენტის ადმინისტრაცია 12-ის დაღუპვას იუწყება. დაშავდა 30-ზე მეტი ადამიანი, მათ შორის 6 ბავშვი.

ავიაკომპანია Bek Air-ის თვითმფრინავი Fokker 100 ალმა-ატიდან ყაზახეთის დედაქალაქ ნურ-სულთანში მიფრინავდა.

www.radiotavisupleba.ge