დაახლოებით 1 საათის წინ ჩოხატაურის ცენტრში ავტოსაგზაო შემთხვევა მოხდა. “დაიჰაცუს” მარკისა და “მერსედესის” ჯიპი ერთმანეთს შეეჯახა. თვითმხილველების თქმით, “მერსედესის” ჯიპის მძღოლმა საჭე ვერ დაიმორჩილა და ხევში გადავარდა. როგორც ჩოხატაურის კლინიკა “მედალფას”დირექტორმა, ანტონ ხუნდაძემ განაცხადა, დაშავებული სამი პირიდან “მედალფაში” ერთი მათგანია მოთავსებული. მას სავარაუდიდ ხერხემლის დაზიანება აქვს და ქუთაისში გადაყვანას საჭიროებს. ორი დაშავებული პირი კი ჩოხატაურის “მამქოლის” კლინიკაში შეიყვანეს. მათი კლინიკური მდგომარეობა ჯერჯერობით ცნობილი არაა. შემთხვევის ადგილზე მობილიზებული იყო საპატრულო, სახანძრო და სასწრაფო სამსახურები.
კომენტარები
Loading ...
