საქართველოში მსუბუქი ავტომობილების იმპორტი რაოდენობრივად 5%-ით შემცირდა. კერძოდ, სტატისტიკის ეროვნული სამსახური მონაცემების მიხედვით, 2025 წლის იანვარ-აპრილში ქვეყანაში 55 037 ერთეული, 966.442 მლნ აშშ დოლარის ღირებულების მანქანები შემოვიდა. ეს კი მაშინ, როცა 2024 წლის იგივე პერიოდში იმპორტირებული იყო 58 544 ერთეული, 878.360 მლნ აშშ დოლარის მსუბუქი ავტომობილები.
რაც შეეხება ფასებს, ქვეყანას წელს ერთი ავტომობილის იმპორტი საშუალოდ გადასახადების გარეშე 17 ათასი დოლარი უჯდებოდა, წინა წლის იმავე პერიოდში კი 15 ათასი დოლარი. მონაცემები აჩვენებს, რომ იმპორტი საშუალოდ 13%-ით გაძვირდა.
რა ჯდება საქართველოში ერთი მსუბუქი ავტომობილის იმპორტი
საქართველომ წელს ავტომობილების უდიდესი ნაწილი (42 797 ერთეული) იმპორტი ამერიკის შეერთებული შტატებიდან განახორციელა. ამ ბაზრიდან ერთი ავტომობილის საშუალო საიმპორტო ფასი გადასახადების გარეშე 12 330 დოლარი იყო.
უფრო კონკრეტულად, 2025 წელს მსუბუქი ავტომობილების კუთხით ძირითადი 5 სავაჭრო ქვეყანა ასე გამოიყურებოდა:
აშშ – 527.727 მლნ აშშ დოლარის 42 797 ერთეული (ერთი ავტომობილის საშუალო ფასი 12 330 დოლარი);
იაპონია – 110.7 მლნ აშშ დოლარის 4 710 ერთეული (ერთი ავტომობილის საშუალო ფასი 23 503 დოლარი);
გერმანია – 166.865 მლნ აშშ დოლარი 2 157 ერთეული (ერთი ავტომობილის საშუალო ფასი 77 357 დოლარი);
ჩინეთი – 12,261.50 – 1 388 ერთეული (ერთი ავტომობილის საშუალო ფასი 8 833 დოლარი);
თურქეთი – 36,739.22 – 756 ერთეული (ერთი ავტომობილის საშუალო ფასი 48 596 დოლარი).
www.bpn.ge
Loading ...