დღეს, ავტოიმპორტიორები და ავტომფლობელები მთავრობის ადმინისტრაციაში ავტომობილებზე აქციზის ტარიფის ცვლილებასთან დაკავშირებით, ხელმოწერების შეტანას გეგმავენ.
როგორც ავტოიმპორტიორთა ასოციაციაში „ბიზნესპრესნიუსს“ განუცხადეს, მთავრობას 3 ძირითადი მოთხოვნით მიმართავენ. კერძოდ:
- გადაიხედოს 6-წლიანი ასაკობრივი ზღვარი და გაიზარდოს 10 წლამდე;
- 10 წლამდე ასაკის ავტომობილებისთვის აქციზის გადასახადი განისაზღვროს 1.5 ლარის ოდენობით ძრავის კუბურ სანტიმეტრზე, ხოლო 10 წელზე მეტი ასაკის ავტომობილებისთვის – 4.5 ლარი;
- შეიქმნას სამუშაო ჯგუფი, სადაც სექტორის წარმომადგენლებს ექნებათ შესაძლებლობა არგუმენტირებული დიალოგის წარმართვის.
ავტოიმპორტიორების განცხადებით, მსგავსი გადაწყვეტილებები უნდა იყოს ეტაპობრივი, ეკონომიკურად დასაბუთებული და სექტორთან დიალოგის საფუძველზე მიღებული.
„ჩვენ არ ვითხოვთ რეგულაციის გაუქმებას – ჩვენ ვითხოვთ სამართლიან, ეკონომიკურად დასაბუთებულ და ქვეყნის ინტერესებზე მორგებულ გადაწყვეტილებას“, – აცხადებენ ავტოიმპორტიორები.
ცნობისთვის, პარლამენტში უკვე ინიცირებულია მმართველი გუნდის ინიციატივა, რომლითაც 6 წელზე მეტი ხნის ავტომობილების განბაჟების საფასური ძვირდება.
პროექტის მიხედვით, აქციზის განაკვეთი 0-დან 6 წლის ჩათვლით ასაკის ავტომობილებისთვის განისაზღვრება ძრავის მოცულობის 1სმ3-ზე 1.5 ლარის ოდენობით, ხოლო 6 წელზე მეტი ასაკის ავტომობილებისთვის აქციზის განაკვეთი განისაზღვრება 1სმ3-ზე 4.5 ლარის ოდენობით.
Loading ...