“საქართველოში 6 წელზე მეტი წლოვანების ავტომობილების განბაჟების გაძვირება ბაზარზე ფასების მყისიერ ზრდას გამოიწვევს”, – ამის შესახებ „ავტომარკეტ ლოჯისტის“ დამფუძნებელმა, დავით ბარამიძემ განაცხადა.
მისი შეფასებით, მიღებული გადაწყვეტილება არის „არჩევანი ცუდსა და უარესს შორის“, რაც უარყოფითად აისახება როგორც ადგილობრივ დილერებზე, ისე ქვეყნის ავტოჰაბის ფუნქციაზე.
ბარამიძის პროგნოზით, ავტომობილების, განსაკუთრებით კი ძველი მოდელების გაძვირება დაუყოვნებლივ დაიწყება და ბაზარი პროცესების განვითარებას 2-3 თვე არ დაელოდება.
“ცუდსა და უარესს შორის არჩევანზე არის საუბარი. იყო უარესი და დღეს მივიღეთ ცუდი, რითაც რაღაც ნაწილი ადამიანების შვებად მიიღებს ამ გადაწყვეტილებას.
აქამდე თუ ვსაუბრობდით იმაზე, რომ გვქონდა პოტენციალი რომ ჩვენს ქვეყანას ჰაბის როლი შეეძლო გაეზარდა და ბრუნვა, რაც მილიარდია კიდევ გაზრდილიყო, ეს შემცირდება.
რა თქმა უნდა გაძვირდება ავტომობილები და გაძვირდება ეს ახლავე. ანუ, 2-3 თვე არ მოიცდის ეს ამბავი. ჯერ ჩვენ ზუსტად არ ვიცით რა წერია კანონში, როგორი სახით იქნება, იქ ბევრი დეტალი არის კიდევ მნიშვნელოვანი, რომელიც არ ვიცით. სანამ ეს დეტალებიც გახდება ცნობილი, ძველი მანქანები დაიწყებს გაძვირებას. ახლავე უკვე დაიწყება ნელ-ნელა გაძვირება, იმიტომ რომ როცა ეცოდინება ადამიანს, რომ ეს მანქანა რომ შემოიყვანო, განაბაჟო და რა ფასი გიჯდება. ასე რომ, ძველი მანქანები ერთმნიშვნელოვნად გაძვირდება.
ეს გადაწყვეტილება, მაინც გაძლიერებებს ეს უცხოელ ავტოდილერებს ჩვენს ქვეყანაში. ანუ უცხო ქვეყნის ავტოდილერები ამ კანონის შემდეგაც მაინც უპირატესობაში რჩებიან ჩვენს ადგილობრივ დილერებთან მიმართებაში. იმიტომ რომ ხვდებიან ამას, რომ ჩვენმა დილერმა უნდა გადაიხადოს ოთხჯერ მეტი და განაბაჟოს, რაც ადგილობრივებს ხშირად არ უღირთ,”- ამბობს ავტომარკეტ ლოჯისტის დამფუძნებელი დავით ბარამიძე.
www,bm,ge
Loading ...