რუსთავი-თბილისის ფონიჭალის გზის მონაკვეთზე ავტოსაგზაო შემთხვევა მოხდა, ინფორმაციას რუსთავის მერია ავრცელებს და წერს, რომ შემთხვევის შედეგად, 9 ადამიანი დაშავდა. არ არის მსხვერპლი.
“დღეს, დაახლოებით 15:00 საათზე, რუსთავი-თბილისის გზის ფონიჭალის მონაკვეთზე, მოხდა ავტოსაგზაო შემთხვევა. პირველადი ინფორმაციით, ცემენტმზიდი შეეჯახა რუსთავის მუნიციპალურ ავტობუსს.
საბედნიეროდ, არ არის მსხვერპლი.
9 ადამიანი, მათ შორის ავტობუსის მძღოლი გადაყვანილია სამედიცინო დაწესებულებაში. ამ მომენტისთვის, რუსთავის მერი ნინო ლაცაბიძე იმყოფება სტაციონარში, სადაც დაშავებულებს სამედიცინო დახმარება უტარდებათ. რუსთავის მერია მაქსიმალურ დახმარებას გაუწევს თითოეულ მათგანს.
ავტოავარიის მიზეზების დასადგენად, მიმდინარეობს გამოძიება.” – ნათქვამია რუსთავის მერიის განცხადებაში.
გამოძიება 276-ე მუხლის მეორე ნაწილით დაიწყო. მუხლი გულისხმობს მძღოლის მიერ ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება. ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე.
Loading ...