ავიაკატასტროფაში კობი ბრაიანტთან ერთად მისი შვილიც დაიღუპა

ლეგენდარული კალათბურთელი და NBA-ის საუკეთესო ხუთეულის კალათბურთელი კობი ბრაიანტი ავიაკატასტროფის დროს დაიღუპა. მასთან ერთად ვერტმფრენში 8 ადამიანი იმყოფებოდა, მათ შორის იყო მისი 13 წლის ქალიშვილიც.

ამ დრომდე უცნობია მიზეზი თუ რის გამო განიცადა კატასტროფა ვერტმფრენმა, მომხდარზე დაწყებულია გამოძიება. 41 წლის ბრაიანტი “ლოს-ანჯელეს ლეიკერსის” მოთამაშე 2016 წლამდე იყო. NBA-ში 20 წლიანი კარიერის განმავლობაში ვარსკვლავების მატჩში 18-ჯერ ითამაშა. 18 მატჩიდან კი ვარსკვლავებს შორის საუკეთესოდ ოთხჯერ დასახელდა.

დაღუპული სპორტსმენის ოჯახს უკვე მიუსამძიმრა ამერიკის 45-ე პრეზიდენტმა დონალდ ტრამპმა, რომელმაც განცხადება სოციალურ ქსელში გაავრცელა. სამძიმრის განცხადება სოციალურ ქსელ “ტვიტერში” გაავრცელა ამერიკის 44-ე პრეზიდენტმა ბარაკ ობამამაც.

ცოტა ხნის წინ სოციალურ ქსელში მომხდარის გამო მწუხარება გამოთქვა ქართველმა კალათბურთელმა ზაზა ფაჩულიამ.

“ძალიან ადრე … ძალიან სამწუხაროა. უამრავი გატეხილი გული, ცრემლი. მადლობა უამრავი მოგონებისათვის,” წერს NBA-ის ქართველი კალათბურთელი ზაზა ფაჩულია.

www.amerikiskhma.com