პოლიტიკოს გოგი წულაიას ინტერესების დამცველი ვალერი გელბახიანი აცხადებს, რომ ძალადობაში ბრალდებული გოგი წულაია დანაშაულის ჩადენას უარყოფს.
„ძალადობას ბატონი გოგი წულაია უარყოფს, მით უმეტეს, სექსუალური გამორიცხულია. ადამიანს აქვს 6 თვის წინ გაკეთებული უმძიმესი შუნტირების ოპერაცია. ტკივილები აქვს საერთოდ პოტენციურ უნარებთან დაკავშირებით. ეგ ექსპერტიზითაც დადასტურდება. ეგ არის გამორიცხული და გამოგონილი, ასევ ვთქვათ, ბრალდება.
მსუბუქი თუა ჯანმრთელობის მოშლა, ეს შეიძლება, ნებისმიერ დროს ნებისმიერმა ადამიანმა მიიყენოს. თუნდაც რაღაცას რომ მიეჯახოს. ამიტომ, ჯერჯერობით იმის თქმა, რომ დანაშაული აქვს ჩადენილი… ამას მტკიცებულებები სჭირდება, ასე მარტივად ეს ვერ იქნება”, – განაცხადა ადვოკატმა ვალერი გელბახიანმა „რუსთავი 2″-თან.
შსს-მ გოგი წულაია დააკავა. ამ დროისთვის ის წინასწარი დაკავების იზოლატორშია მოთავსებული. გამოძიება საქართველოს სისხლის სამართლის კოდექსის 126-ე მუხლის პირველი ნაწილით მიმდინარეობს, რაც ძალადობას გულისხმობს.
გოგი წულაიას მეუღლე მომხდარზე ინფორმაციას არ ფლობს. თუმცა, რადიო თავისუფლებასთან საუბარში, შესაძლო პროვოკაციას არ გამორიცხავს.
პოლიტიკოსის მეგობრის ვეფხია მიქაუტაძის თქმით, გოგის წულაიას დაკავება არის პოლიტიკური ნაბიჯი ხელისუფლების მხრიდან და საზოგადოების მაღალი ინტერესიდან გამომდინარე, შსს-მ ნებისმიერი ქმედება საჯარო უნდა გახადოს, რაც იქნება დაკავშირებული წულაიასთან.
Loading ...