დაბალბიუჯეტიანი Wizz Air ქუთაისიდან სლოვაკეთის დედაქალაქ ბრატისლავაში იწყებს ფრენებს.
ავიაკომპანიის ცნობით, პირდაპირი ფრენები 2026 წლის 12 იანვრიდან დაიწყება და კვირაში ოთხჯერ – ორშაბათს, ოთხშაბათს, პარასკევსა და კვირას შესრულდება.
Wizz Air-მა ბრატისლავაში მიმართულებები მას შემდეგ გაზარდა, რაც ვენის აეროპორტიდან გასვლა გადაწყვიტა. ავიაკომპანიამ მიზეზად აეროპორტის მაღალი გადასახადები დაასახელა.
ვენის აეროპორტიდან ავიაკომპანიის გასვლა ორ ფაზად განხორციელდება:
- 2025 წლის 26 ოქტომბერს ავიაკომპანია ვენის აეროპორტიდან გაიყვანს ორ ბაზირებულ თვითმფრინავს და ფრენებს შეწყვეტს ბილბაოსა და ლონდონის გატვიკის მიმართულებით.
- 2026 წლის 15 მარტს კი გაიყვანეს დარჩენილ 3 ბაზირებულ თვითმფრინავს და ფრენებს შეაჩერებს ვენიდან ყველა მიმართულებით, მათ შორის, ქუთაისის.
Wizz Air-მა ვენაში ბაზა 2018 წელს გახსნა. ეს არის ავიაკომპანიის ერთ-ერთი ყველაზე მნიშვნელოვანი ბაზა ცენტრალურ ევროპაში.
რაც შეეხება ქუთაისის აეროპორტს, ავიაკომპანია 12 ქვეყნის 23 მიმართულებით ოპერირებს.
კომენტარები
Loading ...