კორონავირუსის გავრცელების პრევენციის მიზნით, Wizz Air 2020 წლის 16 მარტიდან 3 აპრილამდე ქუთაისის აეროპორტიდან აჩერებს ფრენებს: ავსტრიის, საფრანგეთის, გერმანიისა და ესპანეთის მიმართულებით.
ამის შესახებ ინფორმაციას ქუთაისის საერთაშორისო აეროპორტი ავრცელებს.
გარდა ამისა, საერთაშორისო ფრენებზე შეზღუდვებს აწესებენ პოლონეთისა და ჩეხეთის რესპუბლიკები.
პოლონეთი 2020 წლის 15 მარტიდან აჩერებს ყველა რეისს პოლონეთის მიმართულებით შემდგომ განცხადებამდე.
ჩეხეთის მიმართულებით ფრენები შეჩერდება 17 მარტიდან 31 მარტის ჩათვლით.
“ვიზეარის მომხმარებლებს, რომლებსაც აღნიშნული ცვლილება შეეხო და რომლებსაც დაჯავშნილი ჰქონდათ ბილეთები ავიაკომპანიის ვებგვერდისა თუ მობილური აპლიკაციის საშუალებით, მიიღებენ შეტყობინებას ელ.ფოსტაზე. დამატებითი კონსულტაციისთვის გთხოვთ, მიმართოთ ავიაკომპანიას: 0706 777 483” – წერია განცხადებაში.
განცხადებაში ასევე აღნიშნულია, რომ საქართველოს ყველა მოქალაქე, ვინც იმყოფება ჩამოთვლილ ქვეყნებში და შეექმნება უკან დაბრუნების პრობლემა, უნდა დაუკავშირდნენ საკონსულო სამსახურს, რომელიც გაუწევს კონსულტაციას საქართველოში გამომგზავრების ალტერნატიული მარშუტების შესახებ.
Loading ...
