ჯანდაცვის მსოფლიო ორგანიზაციაში აცხადებენ, რომ კოვიდ-კრიზისის დასრულებამდე ჯერ კიდევ შორია. ამის შესახებ The Guardian-ის ცნობით, WHO-ს საგანგებო კომიტეტის დღევანდელ სხდომაზე განაცხადეს.
19-წევრიანი კომიტეტი, რომელიც ყოველ სამ თვეში ერთხელ იკრიბება პანდემიის გამოწვევების შესახებ სამსჯელოდ, აცხადებს, რომ ვირუსის შეკავების გრძელვადიან შედეგზე ორიენტირებული ნაბიჯების გადადგმა აუცილებელია.
„მაშინ, როდესაც ვხედავთ პროგრესს კოვიდ-ვაქცინებისა და სამკურნალო საშუალებების მოხმარების ზრდის კუთხით, არსებული სიტუაციის ანალიზი და საპროგნოზო მოდელები გვიჩვენებს, რომ პანდემიის დასრულებამდე ჯერ კიდევ შორია“, – აღნიშნულია მსოფლიო ჯანდაცვის ორგანიზაციის განცხადებაში.
ცნობისთვის, ამ დრომდე მსოფლიოში 245 მილიონზე მეტი კოვიდ-შემთხვევაა დაფიქსირებული. მათ შორის 5 მილიონამდე შემთხვევა ფატალურად დასრულდა, 222 მილიონზე მეტი პაციენტი კი გამოჯანმრთელდა.
Loading ...
