2022 წლის ჯანდაცვის მსოფლიო ორგანიზაციის მოხსენების მიხედვით, ჭარბი წონის პრობლემა 1975 წლის შემდგომ თითქმის სამჯერ გაიზარდა. გლობალურად, მსოფლიოს მასშტაბით ეს პრობლემა 1 მილიარდზე მეტ ადმიანს აწუხებს. აქედან, 650 მილიონი ზრდასრულია, 340 მილიონი მოზარდი, 39 მილიონი კი ბავშვი. ჯანდაცვის მსოფლიო ორგანიზაციის ინფორმაციითვე, არსებული ტენდენციების გათვალისწინებით, იმ ადამიანების რაოდნეობა, რომლებსაც ჭარბი წონა აწუხებთ სამომავლოდაც გაგრძელდება, თუმცა ბაზარზე მკურნალობის ახალი მეთოდები ჩნდება, რომელიც ადამიანებს ამ პრობლემის მოგვარებაში დაეხმარება.
Wegovy – იგივე “სასწაული” – ასე ჰქვია ახალ წამალს, რომლებიც, როგორც ამბობენ, წონის კლების ინდუსტრიაში რევოლუციას მოახდენს. CNBC-ის ინფორმაციით, მედიკამენტი, რომლებსაც თავდაპირველად რეკლამას ინფლუენსერები და ცნობილი ადამიანები უკეთებდნენ, აშშ-ში დაამტკიცეს და მათი გამოყენება სრულიად ნებადართულია. Wegovy აღიარა დიდი ბრიტანეთის ჯანდაცვის სისტემამაც და ის პაციენტებისთვის ხელმისაწვდომი 2023 წლის გაზაფხულიდან იქნება.
ფარმაცევტული ანალიტიკოსების შეფასებით, აღნიშნული მედიკამენტი ჭარბი წონის მკურნალობისადმი მიდგომას სრულიად შეცვლის. ამასთან, ყოველკვირეული ინექციით, ადამიანი წონის 20%-ს კარგავს.
გარდა იმისა, რომ მედიკამენტები შესაძლოა ნამდვილად გახდეს ჭარბი წონის სწორად კლების მიზეზი, არსებობს უამრავი საკითხი, რაზეც ადამიანები შეშფოთებას გამოთქვამენ. შეშფოთების ერთ-ერთი მიზეზი არის ისიც, რომ მაგალითად უცნობია თუ რა შედეგი შეიძლება ჰქონდეს აღნიშნულ პრეპარატებს. ამასთან, ადამიანები მიიჩნევენ, რომ პრეპარატი აუცილებლად ძვირადღირებული იქნება. მედიკამენტების გამოჩენასთან ერთად გაჩნდა მოსაზრება, რომ ის შესაძლოა მოხვდეს ისეთი ადამიანების ხელშიც, რომლებსაც წონის კლება სულაც არ სჭირდებათ.
გარდა ამისა, არსებობს საფრთხე, რომ ადამიანებს რომლებსაც წონის შენარჩუნების სურვილი აქვთ, პრეპარატზე სამუდამოდ დამოკიდებულნი გახდებიან.
Loading ...
