აშშ-ის საელჩო ვატო წერეთელსა და „ქართული ოცნების“ წევრებს შორის მომხდარი დაპირისპირების თაობაზე განცხადებას ავრცელებს

საქართველოში აშშ-ის საელჩო დღეს გამართულ მიღებაზე „ქართული ოცნების“ წევრებსა და ტელეკომპანია „პირველის“ დამფუძნებელს, ვატო წერეთელს შორის მომხდარ დაპირისპირებასთან დაკავშირებით განცხადებას ავრცელებს.

მათი ცნობით, საელჩოს ტერიტორიაზე დაპირისპირების შესახებ მათთვის ცნობილია და ინფორმაციას სწავლობენ.

„აშშ-ის საელჩოსთვის ცნობილია ინფორმაცია ჩვენი დამოუკიდებლობის დღისადმი მიძღვნილი ღონისძიებისას საელჩოს ტერიტორიაზე დაპირისპირების შესახებ. ჩვენ ვსწავლობთ ამ ინფორმაციას“, – ნათქვამია საელჩოს განცხადებაში.

ცნობისთვის, „ტვ. პირველის“ დამფუძნებელი ვატო წერეთელი აცხადებს, რომ აშშ-ის საელჩოს ტერიტორიაზე, „ქართული ოცნების“ დეპუტატები დაესხნენ თავს და ფიზიკურად გაუსწორდნენ. ვატო წერეთელის განცხადებით, მას ფიზიკური შეურაცხყოფა ანრი ოხანაშვილმა მიაყენა, ინციდენტში ასევე მონაწილეობდნენ, “ქართული ოცნების” სხვა დეპუტატები. „ქართული ოცნების“ წევრის ანრი ოხანაშვილი კი აცხადებს, რომ „ტვ. პირველის“ დამფუძნებლის ვატო წერეთელის მხრიდან „უბინძურეს პროვოკაციას“ ჰქონდა ადგილი და „მიიღო ის პასუხი, რასაც იმსახურებდა“.