ანალიტიკური პორტალი Statista Eurostat-ის მონაცემებზე დაყრდნობით იმ ქვეყნების ჩამონათვალს აქვეყნებს, საიდანაც ევროკავშირის წევრი ქვეყნები ყველაზე მეტი ღირებულების ტანისამოსის იმპორტს ახორციელებენ.
ანალიტიკური პლატფორმა წერს, რომ ევროკავშირის წევრმა ქვეყნებმა 2020-ში 69 მილიარდი ევროს ღირებულების ტანისამოსის იმპორტი განახორციელეს.
აღსანიშნავია, რომ მთლიანი იმპორტის 30% ჩინეთზე მოდის. კერძოდ, ევროკავშირის ქვეყნებმა ჩინეთიდან 21 მილიარდი ევროს ღირებულების ტანისამოსი შეიტანეს.
ჩინეთის შემდეგ, ტანისამოსის იმპორტი ყველაზე დიდი რაოდენობით ევროკავშირში ბანგლადეშიდან განხორციელდა (18%), საიდანაც 12 მილიარდი ევროს ღირებულების ტანისამოსი შეიტანეს.
მესამე ქვეყანა კი თურქეთია (12%). ევროკავშირმა გასულ წელს თურქეთიდან 8 მილიარდი ევროს ღირებულების ტანისამოსი შეიტანა.
TOP-7 ქვეყანა, საიდანაც ევროკავშირს ტანისამოსი შეაქვს, შემდეგია:
1. ჩინეთი – 21 მილიარდი ევრო
2. ბანგლადეში – 12 მილიარდი ევრო
3. თურქეთი – 8 მილიარდი ევრო
4. დიდი ბრიტანეთი – 4 მილიარდი ევრო
5. ინდოეთი – 3 მილიარდი ევრო
6. ვიეტნამი – 3 მილიარდი ევრო
7. კამბოჯა – 2 მილიარდი ევრო.
www.bm.ge
Loading ...